والله بصرآآآحــه ما ادري وش اقول ولا ادري وش اكتــب ..


مجــازفه ما شاء الله عليها كفــت ووفــت .. وملاكـ روحــي كذلك ما قصــرت ..


واللحظــه هذي الواحد ما يعرف يعبـر عن اللي بخاطرهـ خصوصا شخص مثلي 15 سنه يصقط بالتعبيــر ..


مرت سنه على افتــتـــاح المنتدى وفرحنا وانبسطنــا وكانت لحظـه ما تنســي ..


كان معنــا نآآس وبمثابـة الاخوان لي .. ولكن الظروف اجبرتهم على الابتعاد


ومهما صآآر ما ننســى وقفتــهم وجميلهم ..


ونآآس رغم ما صدر منهـم الى اللحظـه هذي وانا اكتب الرد ما سلمنـا من شرهـم واللـه ..ولكن ما ننسـى جميلهم معنا ووقفتــهم ..


ونآآس تواصلوا معنـا بأقتراحاتهم واهتمامهم بالمنتــدى .. واذكر منهـم الاخ يفوق الوصف والاخت عبير الذكريات والاخت ملاك روحي والاخت معارف الاحساء والاخت عيوني حزينـه وغيرهـم كثيــر ..يعذروني اللي ما ذكرتهم


ونآآس تفاعلوا وابدعوا ووصلوا لدرجة حب لشمعة الجلاس ما تنوصــف ..


يعلم الله الكلام ما يوفيكم بحقــكم .. عضو عضو .. حتى العضو اللي مسجل ولا له مشاركات تذكر له مكانه واحترام عندي ..


وشمعــة الجلاس ما قام وتفاعل ووصل خلال سنتين الى هالامر الا بحبكم وتفاعلكم وتميزكــم ..


انا ما انسـى اني اشكــر مجــازفــه ( روح المنتــدى ) اللي رغم دوامهــا من الصباح الى قبل المغرب الا انها متواصله بشكل ما ينوصــف ..


ومحبــه للمنتــدى .. بأفكارهـا واهتمامها وبأمور ثانيــه راح تشوفونها قــريب ..


وشمـعـة الجلاس راح يتطور بأذن الله قريب ..بأفكاركم واقتراحاتكم واهتمامكم .. وشمعـه للكــل ..

ولكن الفتره الاخيره انشغالي بالاختبارات اخر سنه .. وانشغال مجازفـه كانت سبب بالركود اللي صاير بالمنتدى وعدم التجديد ..


وان شاء الله راح تشوفون اللي يسركم خلال الايام الجايه .. ومثل ما قالت الاخت ملاك روحي صيفــنــا غير هالسنــه ^_^


وبالختام احس اني مقصر مهما كتبت >> عندي اختبارين اليوم يعني لا تشرهون علي ..


والله يكثر من امثالكم .. اعضاء ما يوفيهم الكلام .. تفاعل الله يزيدهـ ..

غيرنا بالمنتديات الثانيه واصل الى مية الف عضو ولكن ما فيه تفاعل يذكر .. وحنا الحمد لله خلال سنتين وصلنا للمليون ..


وان شاء الله نوصل اكثر من كذا بتفاعل الكل ..


وكل سنه وانتم بالف خير ^_^